Hitleur est un sale quétot
I’ méthite eune raide talmouse,
Deux’trais co-d’poings dans l’ventre,
Deux’trais co-d’poings dans l’ventre,
Un bouôn co-d’pid au driéthe
Un bouôn co-d’pid au driéthe
Nou-s-a ouï tch’il est mouothant,
Danme, j’espéthe qué ch’est bein vrai;
Tout l’monde s’en vont lus rêjoui
Tout l’monde s’en vont lus rêjoui
En mînsethe piêsse-t-i’ créver
En mînsethe piêsse-t-i’ créver
Mais, dévant tch’i’ paque ses tailes
J'aim’thais bein l’vengi un mio;
J’li’en bâdrais dé tchi souffri,
J’li’en bâdrais dé tchi souffri,
Si j’lé t’nais j’vouos montréthais
Si j’lé t’nais j’vouos montréthais
J’lî hal’lais touos ses ortés,
Iun à iun ch’sait man pliaîsi;
J’li’êrach’chais l’s ièrs dé la tête,
J’li’êrach’chais l’s ièrs dé la tête,
S’il ’tait ’chîn, lé reintchivâle
S’il ’tait ’chîn, lé reintchivâle
J’lî plieunm’thais les g’veux étout,
Et j’lî tral’lais la moustache;
J’l’êcorchéthais, jé l’ouvréthais
J’l’êcorchéthais, jé l’ouvréthais
Comme un lapîn êbieilli
Comme un lapîn êbieilli
Où’est-tch’il
est, don, ch’t êpeûthas?
Iou l’trouver, chu vilain peûle?
S’n heuthe appraiche, chutte fais, mes vièrs,
S’n heuthe appraiche, chutte fais, mes vièrs,
Car nouos gas s’en vont lé qu’si
Car nouos gas s’en vont lé qu’si
Et quand i’
l’éthont happé,
Jé sis seux qu’ y’étha d’la jouaie
Ha, ha, ha, lé nièr chorchi
Ha, ha, ha, lé nièr chorchi
Ah, la vilain-e tchèrouongne
Ah, la vilain-e tchèrouongne
Hitleur n’est
rein qu’eune trouême
Et eune niêsance au publyi;
Mais lé v’là au but d’sa course
Mais lé v’là au but d’sa course
La quédole s’en va mouothi
La quédole s’en va mouothi
~
à 1944
